Пятро Васючэнка

“Дванаццаць подзвігаў Геракла”

Мінск: “Звязда”

Пра кнігу:

Пра подзвігі асілка, які змагаецца з монстрамі, ліхадзеямі, разбойнікамі і нязменна перамагае іх, аўтар распавядае ва ўласцівай яму разняволенай манеры, займальна і з гумарам. Геракл, апісаны беларускім аўтарам, выглядае падобным да падлетка, надзеленага надзвычайнай фізічнай сілай, які стаіць на шляху спасціжэння дабра і справядлівасці. Раман змяшчае шмат цікавых звестак па міфалогіі, гісторыі, геаграфіі Старажытнай Грэцыі.

Пра аўтара:

Пятро Васючэнка працуе ў разнастайных жанрах: ён літаратуразнаўца, крытык, празаік, драматург, эсэіст, казачнік і аўтар фэнтэзі. Кандыдат філалагічных навук (1983). Нарадзіўся ў 1959 годзе ў Полацку. Закончыў факультэт журналістыкі Беларускага дзяржаўнага ўніверсітэта (1981), аспірантуру пры Інстытуце літаратуры імя Янкі Купалы (1984). З 1984 года да 1997 года працаваў малодшым, затым — старшым навуковым супрацоўнікам гэтай установы. З 1997 года — загадчык кафедры.

Аўтар зборнікаў прозы “Белы мурашнік” (1993), “Прыгоды аднаго губашлёпа” (1999), кніг казак “Прыгоды паноў Кубліцкага і Заблоцкага” (1997) і “Жылі-былі паны Кубліцкі ды Заблоцкі” (2003), зборніка п’ес “Маленькі збраяносец” (1999), літаратуразнаўчых манаграфій “Драматургія і час” (1991), “Драматургічная спадчына Янкі Купалы” (1994), “Пошукі страчанага дзяцінства” (1995), “Сучасная беларуская драматургія” (2000), “Беларуская літаратура ХХ стагоддзя і сімвалізм” (2004), зборніка літаратурна-крытычных прац “Адлюстраванні першатвора” (2004), даведніка “Вялікія пісьменнікі XX стагоддзя” (2002), зборніка вершаў (бестыярыя) “Піраміда Лінея” (2008) і інш.

У 2004 годзе Пятро Васючэнка стаў лаўрэатам прэміі “Гліняны Вялес”, усталяванай Таварыствам Вольных Літаратараў (Полацк).

Показать / Скрыть текст

Прэмiя Гедройца

Пятро Васючэнка

“Дванаццаць подзвігаў Геракла”

Пра кнігу:

Пра аўтара:

Журы