Уладзімір Ліпскі

“Сонца над галавой”

Мінск: “Адукацыя і выхаванне”

Пра кнігу:

Гэту кнігу Уладзіміра Ліпскага можна смела назваць педагагічнай паэмай. Яна для ўсіх: хто шлюбуецца, хто ўжо мае дзіця, хто жадае навучыцца разумець і бачыць немаўля, хто імкнецца займець вернага сябра, хто хоча праверыць сябе, як настаўніка, хто не шкадуе сутак на выхаванне спадчынніка, хто хоча адчуць у Дзіцяці Божага Пасланніка.

Уладзімір Ліпскі ў новай кнізе “Сонца над галавой” застаецца верным свайму ўзнёсламу мастацкаму слову і высокай духоўнасці, якімі багата яго творчасць. Лісты пісьменніка да малога Толіка ахопліваюць перыяд жыцця ад дня народзінаў хлопчыка да яго сямігадовага ўзросту.

Пра аўтара:

Уладзімір Ліпскі — беларускі пісьменнік, грамадскі дзеяч. Нарадзіўся 6 траўня 1940 года ў в. Шоўкавічы Рэчыцкага раёна. У 1960 скончыў Мінскі тэхнікум харчовай прамысловасці. Працаваў на Гарадзейскім цукровым заводзе, у нясвіжскай раённай газеце “Чырвоны сцяг”. Завочна скончыў аддзяленне журналістыкі Беларускага дзяржаўнага ўніверсітэта (1966). З 1978 года — галоўны рэдактар часопіса “Вясёлка”. З 1988 — старшыня праўлення Беларускага аддзялення Савецкага дзіцячага фонду, пасля — прэзідэнт Беларускага дзіцячага фонду, віцэ-прэзідэнт Міжнароднай асацыяцыі дзіцячых фондаў. Ініцыятар і старшыня І Усебеларускага фестывалю народнага гумару ў Аўцюках Калінкавіцкага раёна (1995).

У друку выступае з 1964 года. Аўтар кніг публіцыстыкі “Райкомаўскія будні” (1971), “Дзень за днём” (1973), “Знайдзі сябе” (1974), “Якое яно, шчасце?” (1977), нарысаў “Прыдзвінскі цуд” (1975), “Высокія зоркі” (1981), дакументальных аповесцей “Крутыя вёрсты” (1980), “Урокі Купрэвіча” (1987), “Любі мяне пры ўсякай долі…” (з Б. Чалым, 1989), “Невядомы” (1990), зборнікаў прозы “Раны” (1987), “Дзень нараджэння” (1988). Выдаў кнігі аповесцей, апавяданняў, казак для дзяцей “Рыгоркавы прыгоды” (1974), “Марынчына казка” (1977), “Клякса-Вакса і Янка з Дзіўнагорска” (1982), “Лаўрэнавы працадні” (1984), “Пралескі ў небе” (1997), “Антонік-понік” (1998), “Наша Маша” (2002), “Прыгоды нуліка” і інш. Лаўрэат Дзяржаўнай прэміі Беларусі, Літаратурнай прэміі імя Я. Маўра (1993) за кнігу “Падкідыш”, Літаратурнай прэміі імя В. Віткі (1997) за аповесць “Загадкавы чалавечак”, Міжнароднай прэміі А. Швейцара (1998) за дабрачынныя справы на карысць дзяцей-закладнікаў чарнобыльскай трагедыі.

Показать / Скрыть текст

Прэмiя Гедройца

Уладзімір Ліпскі

“Сонца над галавой”

Пра кнігу:

Пра аўтара:

Журы