Алесь Масарэнка

“Удзячны калодзеж”

Мінск: “Мастацкая літаратура”

Пра кнігу:

У сваю кнігу празаік Алесь Масарэнка ўключыў творы, напісаныя пераважна ў кароткім жанры. Хутказменнасць падзей дыктуе надзвычай мабільную форму, як, да прыкладу, начыркі, з дапамогай якіх пісьменнік амаль імгненна адгукаецца на тыя ці іншыя жыццёвыя факты. Менавіта ў сціслым, незагрувашчаным тэксце жывое, каларытнае слова апынаецца як бы навідавоку, забірае ўвагу, зачароўвае і, несумненна, узвышае мастацкую вартасць твора.

Пра аўтара:

Алесь Масарэнка — беларускі празаік. Нарадзіўся 12 красавіка 1938 года. Працаваў рэдактарам на Беларускім радыё, загадчыкам аддзела газеты “Чырвоная змена”, інструктарам па прамысловым адлове рачнога бабра Літоўскага заацэнтра, літсупрацоўнікам газеты “Літаратура і мастацтва”, рэдактарам, загадчыкам рэдакцыі ў выдавецтве “Беларусь”, адказным сакратаром часопіса “Полымя”, у геадэзічнай экспедыцыі Забайкалля рабочым I разраду. З 1977 года — рэдактар аддзела прозы часопіса “Маладосць”, з 1978 года — сябра сцэнарна-рэдакцыйнай калегіі кінастудыі “Беларусьфільм”, у 1982—1985 гадах — загадчык аддзела крытыкі і літаратуразнаўства часопіса “Полымя”, з 1989 года — літкансультант літаб'яднання “Крыніцы” пры штотыднёвіку “Чырвоная змена”, у 1992—1998 гг. — галоўны рэдактар часопіса маладых літаратараў “Першацвет”. Аўтар аповесці “На бабровых тонях” (1971), зборнікаў аповесцяў і апавяданняў “Журавіны пад снегам” (1976), “Сонца майго дня” (1988), рамана “Баргузінскае лета” (1982).

Паказаць фрагмент кнiгi

Прэмiя Гедройца

Алесь Масарэнка

“Удзячны калодзеж”

Пра кнігу:

Пра аўтара:

Журы